Мемлекеттік білім беру ұйымдарының педагогтерін бос лауазымға конкурс өткізу туралы хабарландыру

Ақмола облысы білім басқармасының "№11 психологиялық-педагогикалық түзету кабинеті, Целиноград ауданы Ақмол ауылы" коммуналдық мемлекеттік мекемесі Ақмол ауылында педагог-психолог бос лауазымына конкурс жариялайды.

Мекеменің орналасқан жері: Ақмола облысы, Целиноград ауданы, Ақмол ауылы, Гагарин көшесі 15; Жұмыс телефоны 8 (71651) 30-341, электрондық пошта мекенжайы: akmolkppk@mail.ru

Біліктілікке қойылатын талаптар: Жоғары білім, мектеп жасына дейінгі балалармен, ерекше білім беру қажеттіліктері бар балалармен 2 жылдан бастап жұмыс өтіліне қойылатын талаптар; "педагог" біліктілік санатымен жұмыс өтілі жоқ педагогтер.

Лауазымдық жалақысы: 80 мың теңгеден бастап

Құжаттарды қабылдау мерзімі: 26.07.2023 жыл - 02.08.2023 жыл

Құжаттарды қарау мерзімі: 03.08.2023 жыл - 09.08.2023 жыл

Конкурсты өткізу күні: 10.08.2023 жыл

Өтетін орны: Ақмола облысы, Целиноград ауданы, Ақмол ауылы, Гагарин көшесі 15.

Педагог-психолог келесі лауазымдық міндеттерді орындайды:

1 Мекеменің әлеуметтік саласын үйлестіруге ықпал етеді және әлеуметтік бейімсіздік туындауының алдын алу бойынша алдын алу іс-шараларын жүзеге асырады.

2. Білім алушылардың жеке басының дамуына кедергі келтіретін факторларды анықтайды және әртүрлі психологиялық көмек (психокоррекциялық, оңалту және консультациялық көмек) көрсету бойынша шаралар қабылдайды.

3.  Білім алушыларда ауытқушылық мінез-құлқының себептерін анықтайды және түзету жұмыстарын жүргізеді.

4.  Ата-аналарға (оларды алмастыратын тұлғаларға), педагогикалық ұжымға нақты мәселелерді шешуде көмек көрсетеді.

5. Әртүрлі бейін мен арналуына психологиялық диагностика жүргізеді.

6. Білім алушылардың тұлғалық және әлеуметтік даму мәселелерінде қызметкерлерді, сондай-ақ ата-аналарды (оларды алмастыратын адамдарды) бағдарлау мақсатында зерттеу жұмыстарының материалдары бойынша психологиялық-педагогикалық қорытындылар жасайды.

7. Белгіленген нысан бойынша құжаттаманы жүргізеді және оны мақсаты бойынша пайдаланады.

8. Білім алушылардың жеке және жыныстық-жас ерекшеліктерін ескере отырып, білім беру қызметінің дамыту және түзету бағдарламаларын жоспарлауға және әзірлеуге қатысады.

9. Шығармашылық дарынды оқушыларды психологиялық қолдауды жүзеге асырады, олардың дамуы мен ізденуіне жәрдемдеседі.

10. Білім алушылардың дамуында ауытқушылық (ақыл-ой, дене, эмоциялық) дәрежесін, сондай-ақ әлеуметтік дамудың әртүрлі бұзылушылықтарын анықтайды және оларды психологиялық-педагогикалық түзету жүргізеді.

11. Тәрбиеленушілердің, педагог қызметкерлердің және ата-аналардың (оларды алмастыратын адамдардың) психологиялық мәдениетін, оның ішінде жыныстық тәрбие мәдениетін қалыптастырады.

Конкурсқа қатысу үшін қажетті құжаттар:

1) осы Қағидаларға 10-қосымшаға сәйкес нысан бойынша қоса берілетін құжаттардың тізбесін көрсете отырып, Конкурсқа қатысу туралы өтініш;

2) жеке басын куәландыратын құжат не цифрлық құжаттар сервисінен алынған электронды құжат (идентификация үшін);

3) кадрларды есепке алу бойынша толтырылған жеке іс парағы (нақты тұрғылықты мекенжайы мен байланыс телефондары көрсетілген – бар болса);

4) Педагогтердің үлгілік біліктілік сипаттамаларымен бекітілген лауазымға қойылатын біліктілік талаптарына сәйкес білімі туралы құжаттардың көшірмелері;

5) еңбек қызметін растайтын құжаттың көшірмесі (бар болса);

6) "Денсаулық сақтау саласындағы есепке алу құжаттамасының нысандарын бекіту туралы" Қазақстан Республикасы Денсаулық сақтау министрінің міндетін атқарушының 2020 жылғы 30 қазандағы № ҚР ДСМ-175/2020 бұйрығымен бекітілген нысан бойынша денсаулық жағдайы туралы анықтама (Нормативтік құқықтық актілерді мемлекеттік тіркеу тізілімінде № 21579 болып тіркелген).

7) психоневрологиялық ұйымнан анықтама;

8) наркологиялық ұйымнан анықтама;

9) Ұлттық біліктілік тестілеу сертификаты (бұдан әрі – ҰБТ) немесе педагог-модератордың, педагог-сарапшының, педагог-зерттеушінің, педагог-шебердің біліктілік санатының болуы туралы куәлік (болған жағдайда).

10) 11-қосымшаға сәйкес нысан бойынша педагогтің бос немесе уақытша бос лауазымына кандидаттың толтырылған Бағалау парағы.

11) Конкурсқа қатысушы бар болған жағдайда біліміне, жұмыс тәжірибесіне, кәсіби деңгейіне қатысты қосымша ақпаратты (біліктілігін арттыру, ғылыми/академиялық дәрежелер мен атақтар беру, ғылыми немесе әдістемелік жарияланымдар, біліктілік санаттар туралы құжаттардың көшірмелері, алдыңғы жұмыс орнының басшылығынан ұсынымдар) ұсынады.