Ақмола облысы Білім басқармасының «Целиноград ауданы, № 11 психологиялық-педагогикалық түзету кабинеті» коммуналдық мемлекеттік мекемесінің мемлекеттік қызметті көрсету мәселелері бойынша 2023 жылғы жөніндегі есебі

Ақмола облысы Білім басқармасының «Целиноград ауданы, № 11 психологиялық-педагогикалық түзету кабинеті» коммуналдық мемлекеттік мекемесінің мемлекеттік қызметті көрсету мәселелері бойынша  2023 жылғы жөніндегі есебі

Ақмол ауылы №11 психологиялық-педагогикалық түзету кабинеті (ППТК)  «Дамуында проблемалары бар балалар мен жасөспірімдерді оңалту және әлеуметтік бейімдеу» мемлекеттік көрсетілетін қызмет қағидасы негізінде, Целиноград ауданы бойынша  көру қабілеті бұзылған, есту қабілеті бұзылған, сөйлеу тілінің бұзылыстары бар, сөйлеу тілінің дамуы тежелген, тірек-қимыл аппараты қызметінің бұзылысы бар, зерде бұзылыстары бар, психикалық дамуы тежелген, эмоциялық-ерік әрекетінде және мінез-құлқында бұзылыстары бар ерекше білім беруге қажеттілігі бар балаларға  кешенді психологиялық-педагогикалық көмек көрсетеді.

№ 11 ППТК Ақмола облысы, Целиноград ауданы, Ақмол ауылы, Гагарин көшесі 15 мекенжайында орналасқан. Жұмыс уақыты: 09:00-18:30, түскі үзіліс:13:00-14:30.

"Дамуында проблемалары бар балалар мен жасөспірімдерді оңалту және әлеуметтік бейімдеу" мемлекеттік көрсетілетін қызметі (Қазақстан Республикасы Білім және ғылым министрінің 2020 жылғы 27 мамырдағы № 223 бұйрығы “Психологиялық-педагогикалық қолдау саласындағы жергілікті атқарушы органдар көрсететін мемлекеттік көрсетілетін қызметтерді көрсету тәртібін бекіту туралы”) Нормативтік құқықтық актілерді мемлекеттік тіркеу Тізіліміне сәйкес № 20744 тіркелген. Мемлекеттік қызмет, сонымен қатар проактивті түрде жеке тұлғаларға тегін көрсетіледі.

2023 жылдың қорытындысы бойынша барлығы 162  қызмет көрсетілді. Оның ішінде:

Мемлекеттік органмен қағаз түрінде - 0 қызмет;

Мемлекеттік корпорация арқылы - 0 қызмет;

«Электрондық үкімет» веб-порталы арқылы электрондық форматта – 162 (100 %)  қызмет көрсетілді.

Целиноград ауданының тұрғындарын мемлекеттік қызметті алу тәртібі мен мүмкіндіктері туралы ақпараттандыру мақсатында бұқаралық ақпарат құралдарында кестеге сәйкес орналастырылған, қажет болған жағдайда стендте, Instagram @kppk11celin әлеуметтік желісінде ақпарат жаңартылып отырады, sc0047.celinograd.aqmoedu.kz ресми сайтта Мемлекеттік қызметтер көрсету туралы, кабинеттің қызметі туралы ақпарат орналастырылған.

Жыл сайын sc0047.celinograd.aqmoedu.kz ресми сайтта және @kppk11celin Instagram парақшасында Мемлекеттік қызметті көрсету саласындағы қызметі жөніндегі есептерге ашық талқылау жүргізіліп отырады.        

 Мемлекеттік қызметті алу тәртібі мен мүмкіндіктері туралы және процестің ашықтығы туралы халықты хабардар ету жөніндегі бақылау іс-шараларының жоспарына сәйкес көрсетілетін қызметті алушылардың қатысуымен "Мемлекеттік қызмет көрсету тәртібі" тақырыбында тікелей эфир өткізілді.

Мемлекеттік қызмет көрсетуді жетілдіру тәсілдерінің бірі www.egov.kz тіркелген ұялы байланыстың абоненттік құрылғысы арқылы ұсынылады.

Мемлекеттік қызмет көрсету мәселелері бойынша көрсетілетін қызметті алушылардың шағымдары тіркелген жоқ.

       Мемлекеттік қызмет көрсету сапасын ішкі бақылау қорытындысы бойынша Мемлекеттік қызмет көрсету мерзімдерінің бұзылуы анықталған жоқ.